كيف يكون الالغاء طريقا للتطوير؟؟؟؟

من الطبيعى جدا ان التعليم يكون من اهم اولويات اى بلد لكى تتقدم بسواعد ابنائها وعندما تكون منظومة التعليم تحتاج الى تطوير وتجديد حينها لا نستطيع ان ننادى بتطور البلد ولا نحتاج ايضا ان ننادى بالتطوير اساسا لاننا بكل بساطه لا نطور العقول التى تقوم على التطوير من الاصل


عندما تبحث جيدا تلاقى ان التعليم يقوم على مناهج عتيقه وقديمه وتقوم ايضا على ان العقول التى تتلقى هذه المناهج مجرد عقول لا تعى ولا تفهم اى شئ وانها مجرد احجار صماء بكماء مع ان عقول الاطفال اكبر واعقل من ذلك بكثير وهم فى نفس الوقت بينظروا للمناهج نظرة سخريه واستهزاء


اما بالنسبه للتعليم الجامعى على وجه الخصوص فانه يعانى وبصفه دائمه من شيخوخه وعجز كلى عن مجاراة مستحدثات العصر من الانترنت والستالايت وغيره , والمناهج عقيمه جدا وتدّرس على مدار سنوات عديده وبعض الكتب مجمعه من عدة مراجع حتى انها لا تحتوى اى منهج كامل وهذا بجانب الدكاتره اللى بيهتموا فقط بالكتاب وبكمية المبيعات



وفى ظل مناداة العالم كله بالتطوير ومناداة القائمين على التطوير بالنهضه بابنائنا فاننا نجد التعليم فى تأخر مستمر حتى انهم فى بعض الجامعات اتبعوا نظام جديد فى الغاء كليات التربيه النوعيه التى تضم افرع عديده من العلوم البيئيه من صحافه وعلوم وحاسب الى وتربيه فنيه واقتصاد منزلى .... مع ان هذه الكليات تسد بعض العجز فى المعلمين من هذه التخصصات


وايضا نجد الالغاء فى درجات الرأفه التى تساعد بعض الطلاب لكى يجتازوا بعض الامتحانات ... وده بخلاف نظام الثانويه العامه اللى للاسف مش ثابت على منهج واحد


كيف يكون تعليمنا بهذه الحاله المترديه ونحن ننادى بالتطوير ؟؟؟؟ كيف ننهض ببلادنا ونحن لا نعلم ولا ندرّس ولكننا نملأ الرؤوس فقط ؟؟؟


وكيف يكون الالغاء طريقاً للتطوير؟؟؟

عيـــــ سعيد ــــــــد

ازيكوا يا احلى مدونين


كل سنه وانتوا طيبين ويعود علينا كلنا الايام بخير


تهنئه متاخره بس بجد ظروفى ملخبطه شويه وانا مش ممكن انساكم لانى بمووووووت فيكوا


كل سنه وانتوا طيبين والسنه اللى جايه نكون كلنا صحبه على عرفات باذن الله


وربنا يكرمنا كلنا ويملا حياتنا سعاده وحب وفرح دايما


وتفضل مصر سالمه امنه من كل شر


عيد سعيد عليكوا وعلى المسلمين كلهم يارب


طبعا مش هاوصيكوا لازم نروح نعيد على الناس فى


شـقــ* اخر حاجه * ـــــاوة


عيــــ سعيد ـــــد

كـــــــــفى !!

يامن تملك قلبى ووجدانى
انت لى كل امالى واحلامى


لقد غرقت فى بحر احلامى
وجدتك انت مركبى وشراعى


اسمعك تنادينى فى ليلى
واسمع قلبى يناجيك فى الاحلام


حبيبى لا تبعد عنى
فانت لى السكن والعشق فى ايامى


يا من تغنى قلبى باسمك
وعزف الشوق قصة حبنا على الاوتار



كفى بنا من البعد
وكفى القلب من الاشتياق


ها انا لا اقدر على العيش بدونك
وانت تتعذب فى بعادى

وحشتوووووووووونى

وحشتوووووووونى موت

بجد وحشتونى اوى اوى اوى اوى

وباعتذر اعتذار جامد عن التاخير بس كانت فى طروف كده والحمد لله قربت تخلص

وكمان النت بيعاكسنى جامد اوى ومش عارفه اعمل ايه معاه

انا عارفه ان فى ناس زعلانين منى وليهم حق ومنهم دموع القمر وحنين وايناس

انا اسفه يا جماعه حقوا عليا والله

والله غصب عنى مكنتش بدخل والنت مبهدلنى بييجى ويقطع

ويلا بقى شجعونى اول بوست ليا فى

شقــــــــ*آخر حاجه *ــــــــاوة

وما الدنيا الا طابور طويل

اصدقائى الحلوين فى كل مكان ..... باعتذر عن التاخير وعدم التعليق على المدونات ولكنى ساعود للمتابعه من جديد

ويلا بوست جديد لانوسه على

شقـــــ*آخر حاجة *ـــــــاوه

عندما تتلفت حولك تجد ان كل شئ فى بلادنا تحول وبقدره قادر الى طابور طويل من الانتظار ....

لما تروح تطلع بطاقه تقف فى الطابور .. ولما تروح تطلع ورقه مهمه برضه بتقف فى الطابور ... فى حين اننا بلد بنعانى وبفظاعه من الزحمه وكله يقولك الدنيا حر وزحمه ... طيب ما الطوابير ده من ايه ؟؟؟ وبتولد ايه .... ؟؟؟

حتى دلوقتى لما تروح تقبض فلوسك اللى ليك بتقف فى الطابور ..واللى موضه وطلعت بقى ...

"طابور العيش"

كله بيقف بالساعات فى طوابير العيش .. وممكن بعد ما تقف وتتبهدل من الزحمه تلاقى صاحب الفرن يطلعلك ويقولك ان مفيش عيش النهارده خلاص ..

وبما اننا شعب بيعشق النظام .. الراجل الواحد او السيده الواحده ممكن ان تخلق لنفسها طابور قائم بذاته ...تبص كده وانت واقف تلاقى واحد او واحده راحت وقفت كده لوحدها وفجأه كونت طابور تانى وبدل ما كان فى طابور او اتنين تلاقى المكتب الواحد عليه زحمة ناس وبس

وبما اننا ايضا بلد بيقوم كل واحد فيها بواجبه..... كل المصالح اللى فى البلد ماشيه بالمقوله الشهيره "فوت علينا بكره" بكده تبقى الطوابير سلسله لا تنتهى ولكنها تستحدث من العدم

وطبعا مع الزحام وحرارة الجو ... الكل بيبقى مستنى لاى حد على غلطه صغيره وتقوم الدنيا كلها وتبقى خناقه

يبقى تحولنا من ظاهرة الطوابير لظاهره اخرى وهى عدم النظام والفوضى والهرجله

وبكده يبقى لازم على كل واحد ايها المواطنين الالتزام بمكانه من الطابور ولا يتحرك منه حتى لا يعود الى اخره وهو يجر ازيال الخيبه !!!

وعلى الساده المسئولين عن الطوابير ترفقوا بنا فنحن أيقنا تماما أن الدنيا ما هى الا طابور طويل !

انتبهـــــــــــــــــوا !!!!

انتبهــــــــــــــــــــــوا ايها الســـــاده !!!

خبر بمليون جنيه ....


حبيبتى وعسولتى حنونتى دعتنى علشان اكون من اعضاء مدونه

شقـــ*آخر حاجه* ــــــــاوة

بصراحه انا مبسوطه جدا انى اكون من الفريق الجميل ده

ومبسوطه اكتر من انى اكون مع حبيبتى حنونتى

ربنا يخليهالى يارب

ويارب اكون اد المسئوليه ده

يلا بقى دلوقتى كلنا نروح على الشقاوه كلها ...

بوست جديد

فى

شـقــ *آخر حاجه* ـــــاوه

يلا بسرعه

ثـــرثــرة قلــــم ..

آه يا قلبى من لوعة الاشتياق

كيف لك ان تهدأ وانت بك كل الالام ؟؟

لماذا يفعل بنا هذا وانت المسكن له والملاذ

اشتـــــاق اليه مع كل نفس فى صدرى

وهو لا يبــــالى بما هو فى امرى

ما اقســــــاك ايها الحب ...!!!

كم اتالم من لهفتى عليه

وكم احن لايام عشقى اليه


ولــــكن هذا هو الحب.... وهذا هو الاشتيـــــاق ...

همس الارواح

حوار الارواح لا يفهمه سوى العشاق

وحوار القلب يستشعره اهل الهوى

وحوار العقول يعيشه العقلاء

وعندما تتفق همس الروح مع دقات القلوب مع حديث العقل تسمو الاشياء

ويصبح الحب صدقاً ويصبح الصدق حباً وتمتزج كل الاشياء الجميله فترى الوجود جميلاً

وعندما يغيب همس الروح ويبقى العقل وحده

تكون كمن يسير فى صحراء قاحله بسياره مكيفه فى اى لحظه قد يصيبها العطب فتبقى وسط الصحراء بلا انيس ولا مؤانسه

وعندما تتوه دقات القلب ابحث عن الروح ستجدها حتما فى اجازه!!!

خيــــــــرها فى غيـــــرها

لما تمشى فى اى شارع اليومين دول بتلاقى اول حاجه تصادفك وتقابلك ... اكوام الزباله اللى مش عارفه بتيجى منين .. والمصيبه انك بتشم الريحه من على بعد اميال ومن على اول الشارع كمان المنظر ده بيتعاد كل يوم وكل دقيقه .... اكوام زباله لا حصر لها ولا عدد ... وطبعا مش هاقولكوا ان الصفايح اللى عملاها حكومتنا مليانه لا طبعا .. ده الصفايح وكمان الشارع اللى جنب الصفايح........... وكإن الناس للاسف مش شايفه هى بتحدف فين

وتحس ان السمه الاساسيه للشارع المصرى بجانب ظواهر تانيه كتير ..الزباله اللى مرميه شمال ويمين !!!!

سيبك من الكلام ده كله ... ممكن جدا المشكله ده تتحل لو حد من بتوع الحى ربنا اكرمه وحاول انه يجيب حد يلم الزباله ده

لكن المشكله الحقيقيه واللى بجد غايظانى فعلا ان احنا كنا الاول عندنا الراجل الزبال بييجى يخبط ويلم الزباله من البيوت

ولـــــكن ,,,,

طبعا حكومتنا تفكيرها اوسع واعمق من كده ... قالت لا نتطور بقى (على اساس ان مصر ناقصها تطور الزباله ) ما علينا ,,,,قالت نجيب شركه متخصصه تشيل الزباله من الشوارع ... حلو اوى جت شركه الزباله بتشيل الزباله ولما الشركه( استهبلت) و بطلت الشركه تقوم بعملها وتشيل الزباله اصبح عندنا ظاهره جديده وهى الاكوام الفظيعه ده من الزباله

(يلا هى جت عليها ... اشمعنى الزباله,, لازم تعبر عن نفسها برضه)

خدوا بالكوا بقى معايا .... الحكايه اللى عملوها ده بقى اتسببت فى ايه ... اقولك ؟؟؟؟

الزبالين اللى كان شغلهم كله على شيل الزباله غيروا نشاطهم طبعا وبقوا بيشتغلوا فى الشحاته والنصب والسرقه (تغيير العتبه حلو برضه )

وطبعا الفرق فى المرتب عالى جدا وده حاجه غنيه عن التعريف ... دلوقتى لو جيت بوست رجله علشان يرجع يشيل الزباله مش هيعبرك اساسا لانه طبعا بقى من كبار المستثمرين (خد بالك من المستثمرين ده)

تعالى بقى لاخونا المطحون اكيد كلنا عارفينه ( المواطن المصرى ) اللى كل البلاوى بتقع على دماغه زودوله الزباله على الكهربا علشان يدفعوا للشركه اللى بتشيل الزباله ( وطبعا كالعاده فى ناس تانيه بيندفع لها مع الشركه ) ولما صوٌت المواطن واعترض محدش عبره كالعاده

واللى انا شفته بعينى بقى ان فى ناس علشان تخلص من الزباله ده جابوا واحد من الناس اللى لسه ماعتزلوش مهنه الزبالين (واللى لسه موصلهمش الاستثمار) علشان يشيلوا الزباله ... وطبعا بالشكل ده بقى المواطن بيدفع مرتين ...

ودلوقتى ومع ظهور انفلونزا الخنازير واللى هى بتاكل الزباله اساسا .. الحكومه ادامها حلين يااما تتصرف فى الزباله ده ياما تجيب الخنازير تاكلها ويبقى الفيرس وباء فى مصر وكده برضه يبقى فى ظاهره جديده فى مصر وهى انفلونزا الخنازير وتتحول الظاهره لوباء

وفى الحالتين احب اقولك ياحكومه::

(خـــــيرها فى غـــــيرها )

شكر .... واعتذار

اصدقائى المدونين ....


باشكركوا جدا لمروركوا فى مدونتى وكلامكوا اللى بجد بيسعدنى جدا وبيهون عليا حاجات كتير


انا باهدى بوكيه الورد ده لكل واحد مر من مدونتى وكتب حرف واحد


امتنانا منى ليكوا وللصداقه اللى بينا


اشكركوا جميعا



انا باعتذر بجد لعدم الرد على بعض التليقات اللى جاتلى على البوست اللى فات


وباعتذر برضه عن انى مقدرتش ارد فى مدوناتكوا


وذلك لان النت فصل عندى يومين .. وده مش السبب الرئيسى وبس


ولـــــكن ..


انا بمر بظروف نفسيه سيئه جداااااااااااا اليومين دول


ولكن انا ان شاء الله باحاول التواجد والمرور ان شاء الله


واخيرا وليس اخرا .... اسالكم الدعاء


وباشكركوا جداااا على الوقفه بجانبى


والحمد لله الذى لا يحمد على مكروه سواه

وداعــــــــــــــــــاً

عارفين اصعب حاجه فى الدنيا لما بجد تحس انها ضحكتلك اوى ... وحبتك اوى واخيرا بصتلك وشافتك بعد غياب طويل وهجر فظيع ولما انت تبدا تتعلق بيها وتحبها وتبص عليها ... تلاقى كل اللى كنت شايفه مجرد

ســـــــــــــــراب

ملوش اى اساس من الواقع

عقلك بس اللى نسجه وفصله ورسمه على مزاجك ... وكل ده لانك فى وقت من الاوقات حسيت بجد انك محتاج حد جنبك وحد يقف معاك ويحبك ليك انت وبس

ولكن العقل الباطن بكل تخيلاته محبش انه يزعلك وهو اللى رسم كل ده ليك علشان بس متزعلش اوى

وهو ده بجد اللى بيتعب جدا ....انك ترسم لنفسك شئ جميل وحاجه حبتها جدا وبعد كده ومع اول غمضة عين تلاقى الحاجه ده مجرد سراب نسجته انت وبس

والمصيبه الكبرى ان السراب ده هو اللى يبقى عاوز يخنقك ويقتلك

عارفين فى ناس مشكلتها كده انها طيبه وبتطلع اللى عندها كله علشان ناس تانيين .... ولكن للاسف ده بقى بيتفهم غلط جدا و يتفهم انك انسان ممكن جدا ينداس عليك

عارفين اللى توصلته فى النهايه ان الدنيا ده مش بتاعة الناس الطيبه ده ... الدنيا ده بتاعة ناس وحشه

تخدع

وتخون

وتعذب

وتجرح

لكن الطيبه ملهاش اى مكان غير فى قلوب الملائكه والحمد لله انى مش ملاك

واقولكوا برضه ....

وداعا يا قلبى يا من عذبتنى ولم تجد من يداوى جرحك

I am With U

I'm Standing on a bridge

I'm waiting in the dark

I thought that you'd be here by now

There's nothing but the rain

No footsteps on the ground

I'm listening but there's no sound

Isn't anyone trying to find me

?

Won't someone come take me home

It's a damn cold night

Trying to figure out this life

Won't you take me by the hand

take me somewhere new

I don't know who you are

but I'm, I'm with you

I'm looking for a place

searching for a face

is there anybody here i know

cause nothings going right

and every things a mess

and no one likes to be alone

Isn't anyone trying to find me

?

Won't someone please take me home

It's a damn cold night

Trying to figure out this life

Won't you take me by the hand

take me somewhere new

I don't know who you are

but I'm, I'm with you

why is everything so confusing

maybe I'm just out of my mind

It's a damn cold night

Trying to figure out this life

Won't you take me by the hand

take me somewhere new

I don't know who you are

but I'm, I'm with you

Take me by the hand

take me somewhere new

I don't know who you are

but I'm, I'm with you

I'm with you

دعوه فى عيد ميلادى

النهارده يوم مش عادى بالنسبه ليا مش علشان عيد ميلادى

لا علشان النهارده حسيت بجد ان انا مهمه جدا عند ناس كتير

عاوزه اقولكوا ان بجد فى ناس كتير اوى بعتولى رسايل .... وفى ناس كتير برضه اتصلوا بيا علشان يهنونى بعيد ميلادى

اللى انا كنت ناسياه فعلا والله

وطبعا لازم اشكر الاستاذ فشكول اللى هنانى وزارنى فى مدونتى المتواضعه وفاكر عيد ميلادى كمان

النهارده سنه عدت من عمرى .....

اكيد مفيش حد بيبقى فرحان ان فى سنه مرت من عمره .... بس لما يكون فى ناس حواليه بيهنوه وبيفتكروا عيد ميلاده ده الحاجه اللى بجد كلنا نتمناها

النهارده وانا فى اول يوم فى سنه جديده من عمرى وباودع سنه قديمه .... معايا دعوه ليكوا
دعوه*** للصداقه ***

اللى عنده صديق يمسك فيه ويحافظ عليه وعلى الصداقه ده واللى معندوش يدور....

الصداقه جميله اوى .... كفايه انك تحس ان فى حد واقف جنبك وبيساندك على طول وبيسال عليك ومهتم لامرك

الصديق فعلا وقت الضيق ..

احـــــلى عيـــــــد

اصدقائى المدونين ....

كل سنه وانتوا طيبين ..... ويدوم عليكوا السعاده والخير

يارب يتقبل منا صالح اعمالنا فى رمضان ..... ويدوم علينا الصحه وراحه البال


عارفين السنادى احلى عيد ...علشان فى وسطيكوا يا احلى اصدقاء

بجد باشكر كل اللى مروا وردوا وشاركونى فى تدويناتى البسيطه ده

وبجد انا مبسوطه جدا انى اتعرفت على اصحاب ذيكوا ..... وانى باقضى معاهم احلى اوقات

وكمان بنتشارك مع بعض كل لحظاتنا الجميله والحزينه معا

بجد باشكركوا كلكوا

كل سنه وانتوا طيبين وبالف خير

بلا رمضان بلا عثمان ...ماله الواد اسماعيل ابو ضحكه جنان ؟؟

بدأت ايام شهر رمضان الكريم وها نحن فى نهايته.... شهر المغفره شهر التعق من النيران .... شهر القرآن

ولكن كيف نكون ممن ينالون بركة هذا الشهر الكريم وانت وانا وسط هذا الكم الهائل من نسيان يوم الدين ؟؟؟؟

انظر يا اخى حواليك ....كل شئ يدفعك دفعا الى نسيان الله تعالى والانخراط فى موبقات الحياه حتى تتحملها وتجاريها وتكون من اهلها ...

انظر لهذا الكم الهائل من عصيان المولى تعالى عز وجل............... ولنأخذ مثلا :::

كم الاعلانات والمسلسلات الرمضانيه المنتشره على شاشات التلفاز والفضائيات ...

لاحظ سيادتك هتلاقى ان اول ما بشاير الشهر الكريم ما تهل علينا كل اعضاء وفريق الاعلام تشمر الايادى وتهب وتقوم بعمل الحمله الخطيره باعلانات السَمنه والزيت والحلويات ....

وده بجانب المسلسلات الرمضانيه اللى متعرفش ليه بتتجهز وتتوضب علشان الشهر ده على وجه الخصوص ... والغريب ان فى زحمة هذا الاسفاف والمهرجان الاعلامى ينسى قطاع الاعلام بالكامل عرض او على الاقل الاعلان عن برنامج دينى واحد يبث الواعز الدينى فى نفوس واخلاق البشر بل وايضا يذكرهم بفضل هذا الشهر العظيم

ويبقى السؤال لماذا يرتبط شهر القرآن بالمسلسلات والاعلانات ؟؟؟؟ لماذا يحدث هذا الاسفاف والاستهتار فى ظل هذا الشهر الكريم ؟؟؟

هذا الجهاز الاعلامى الضخم بدل ما ان يبث جزء من الثقافه والوعى الدينى لدى المشاهد بهذا الشهر الكريم ...بل يقوم الاعلام بدور اللهو عن الدين والقرآن

ويبقى السؤال اللى بيلح عليا وبشده ......ايه وجه الارتباط بين سيل الاعلانات والمسلسلات وهذا الشهر الكريم ؟؟؟

always have dream

Forget about the days
when its been cloudy, but
don't forget your hours in the sun


Forget about the times
you've been defeated, but
don't forget the victories you've won


Forget about mistakes
that you can't change now, but
don't forget the lessons
that you've learnt


Forget about Misfortunes
you encounter, But
Don't Forget the Times
Your Luck Has Turned


Forget about the days
When you've been lonely, But
don't forget the friendly smiles you've seen


Forget about the Plans
that didn't seem
to work out right, but

Don't forget to Always Have A Dream

انت حر ...... ما لم تضر!!!

انت حر ما لم تضر ......نعم انت حر ولكن للحريه حدود وهكذا تعلمنا فى المدارس وتربينا عليها فى المنازل وطبقناها فى المساجد ودور العبادات ..... ولكن ظاهره انتشرت فى الفتره الاخيره وهى (((التحرش الجنسى))) ووصلنا الى ما لايحمد عقباه

والسؤال على من تقع المسئوليه ؟؟؟؟ ومن المسئول حتى تتم محاسبته؟؟

والاجابه من وجهة نظرى المتواضعه::::::::

افتقدنا الوازع الدينى مما ابعدنا عن تعاليم ديننا ..

.وسائل المواصلات المزدحمه " لان يطعن فى راس احدكم بمخيط من حديد خير له من ان يمس امراه لا تحل له"

جرائم اللسان من الفاظ وعبارات "وهل يكب الناس على وجوههم فى النارالا حصاد السنتهم"

البنات :::: بما يرتديه بعضهن من الملابس الضيقه والشفافه والكاشفه

غياب التربيه فى المنزل المصرى:::::فدور كثير من البيوت فى التوجيه صار معطلا بسبب استغراق الاب والام فى الركض وراء توفر متطلبات الحياه من خلال العمل فى الصباح والمساء

غياب التربيه فى المدارس :::: فاين القدوه واين المربى الفاضل الذى اصبح همه اليوم الدروس الخصوصيه لزيادة دخله المادى فلا حصلنا لا على تربيه ولا على تعليم

بعض الفضائيات ووسائل الاعلام ومواقع الانترنت :::تبث المفاسد فاين الرقابه عليها ؟؟

غياب امن الشارع المصرى ::ادى الى ضياع هيبة القانون المصرى والامن العام فلا قانون يطبق بدون استثناء ولا شرطه تحمى نظاما بدون مخالفات ,,,,فاين الشرطى المصرى الذى كنا ننام فى حماه ليلا ونعيش فى احترامه نهارا

الحاله الاقتصاديه تفقد الامل فى الشباب فى الارتباط الحلال فى ظل البطاله والغلاء

فلابد من علاج اوجه القصور والا فسوف نصل الى ما لايحمد عقباه ويجب ان يتكاتف الجميع للعمل على اعادة التربيه والحفاظ على القيم والمبادئ الرشيده

يجب على كل شخص ان يضع نفسه موضع كل بنت وكل سيده وهل يرضى على نفسه ما سوف يحدث لهن ؟؟؟؟

ويبقى السؤال ..... هل الحريه هى التى ادت الى هذه الظاهره؟؟؟ ام نحن من نفهم الحريه بطريقه خاطئه ؟؟؟؟

دعـــــــــــــــوه رمضانيه

اصدقائى المدونين فى كل مكان ..... كل سنه وانتوا طيبين ... ورمضان كريم عليا وعليكم وعلى امة محمد اجمعين

ده دعوه منى ليكوا جميعا ... كل اللى فى حد مزعله او هو مزعل حد ياريت نسامح بعض


نصفى قلوبنا من اى غل او حقد او حتى شئ من الضغينه لاى حد


اللهم بلغنا رمضان واعتقنا من النار واكرمنا بركة الرحمن الكريم المنان

كل سنه وانتوا طيبين ... وكل سنه واحنا كلنا من ربنا متقربين

واشهد ان لا اله الا الله وان محمدا رسول الله

عفوا ....... كلنا مخطئون

فاجأنى قول وزيره الاسره والسكان عندما كانت تتحدث عن مشكله اطفال الشوراع فى برنامج البيت بيتك ... وهى تحاول ان تلقى باللوم فى هذه المشكله الكبيره على الناس والمجتمع وتحاول ان تقول ان السبب الرئيسى فى هذه المشكله الكبرى هو عدم ابلاغ الناس عن هؤلاء الاطفال عند رؤيتهم يتجولون شوارع القاهره

واللى احب اوضحه لحضراتكم ان الحقيقه ابشع واقوى مما تتخيلوا وهو ان فى حنفيه اطفال شوارع مفتوحه وللاسف الشديد بتزيد ... وده اللى استوقفنى عند استهتار هذه السيده ... وهى تقول ان المجتمع والناس هم السبب وده برضه اللى خلانى اقول......

كلنــــــا مخطئــــــــــــون !!

لان انظمتنا للاسف لم تعد الانظمه التى تضع ضوابط وقوانين واضحه صارمه لكى تضع حدا لهذه الحنفيه .... ولكننا بدل من ان نكون فى وضع المسئوليه اصبحنا نلقى اللوم على بعضنا البعض حتى بدون ان نحرك عقولنا لنحل هذه المشكله
ونقول برضه ...

كلنـــــــــــا مخطئون!!

لان كل ام لا تعى قيمه اطفالها ..و كل سيده اخدت الزواج مجرد وقت وتزوجت زواج مسيار .. ولان كل اب لم يعى مسئوليته لكى يضع ابنائه تحت كنفه ويرعاهم .. هم المسئولون عن هؤلاء الاطفال..

كلنـــــــــــــــا مخطئون !!

لان كل اسره قسم ظهرها الجوع وقتلها الفقر تخلت عن فلذات اكبادها واطلقتهم فى الشارع لكى تتخلص من حملهم الثقيل

اللى احب اقوله يا جماعه ان الاطفال دول بكره واللى مش هنقدر نعمله احنا النهارده ممكن الاطفال يعملوه بكره ... طيب لكن لو كان الاطفال ممن يتعاطوا المخدرات والحشيش والبانجو وغيره .. هيبقى بكره ده شكله ايه ؟؟؟

و المؤسسات اللى المفروض انها بتلم الاطفال دول وبتحاول تعدل وتصلح من سلوكياتهم اللى اكتسبوها من الشارع بتقوم بعكس كده تماما وهى انها بتقوم بضرب وتعذيب الاطفال وبالتالى بيهربوا من المؤسسات وبيلاقوا الشارع بيحتضنهم من تانى

ولما سالنا هذه السيده المسئوله عن المؤسسات اللى بتقوم بالافعال ده ردت بكل برود ولا مبالاه ان الاطفال مش هيبقوا حابين المؤسسات ده لانها بتضع ضوابط صارمه لهم وتجاهلت الضرب واعمال العنف اللى بتحصل داخل هذه المؤسسات

واللى يزيد المشكله تعقيدا وهو ان هذه السيده قالت انها مسئوله عن الاطفال لحد سن 18 سنه ... طيب واللى سنهم فوق 18 يعملوا ايه ؟؟مين اللى مسئول عنهم ؟؟ اذا كانت الدوله تخلت عنهم ... مين اللى المفروض يبقى مسئول ؟؟؟

و كل واحد فينا لما بيشوف الطفل ده بيقرب منه بيحاول يتفاداه ويبعده عنه وخلاص ...لكن هل فكرنا ازاى نحمى الاطفال دول؟؟؟؟ ازاى ننتشلهم من الشارع ؟؟؟

ولكن عندما تتحول هذه الافه الى ظاهره وعاده وشئ يتسم بيه الشارع المصرى ..وقتها سنسأل انفسنا ..... من المخطئ ؟؟
ولكننى وجدت الاجابه وهى ......

كلنـــــــا مخـــــطئون!!

Why I love you؟؟

I can be myself when I am with you.
Your idea of romance is dim lights, soft music, and just the two of us. Because you make me feel like I have never felt before.


I can tell you anything, and you won't be shocked.
Your undying faith is what keeps the flame of our love alive.
You and me together, we can make magic.
We're a perfect match.
Thinking of you fills me with a wonderful feeling.


Your love gives me the feeling, which the best is still ahead.
You never give up on me, and that's what keeps me going.
You are simply irresistible.
I love you because you bring the best out of me.
Your terrific sense of humor.

Every time I look at you, my heart misses a beat.
You're the one who holds the key to my heart.
You always say what I need to hear.
You have taught me the true meaning of love.

Love is, what you mean to me - and you mean everything. You are my theme for a dream.

I have had the time of my life and I owe it all to you.
And, of course, your intelligence,
cause you were smart enough to fall in love with me.


Love Always

LoVe Me

Love me in the Spring time ,when all is green and new
Love me in the Summer , when the sky is oh so blue
Love me in the Autumn, when the leaves are turning brown
Love me in the Winter ,when the snow is falling down

Love me when i'm happy, and even when i'm sad
Love me when i'm good ,or when i'm oh so bad
Love me when i'm pretty, or if my face is plain
Love me when i'm feeling good or when i'm feeling pain

Love me always darling in the rain or shining sun
Love me always darling after all is said and done
Love me always darling until all our life through
Love me always darling for i'll be loving you

هل اصبح المصريون........ضفــــــــــــــــادع؟؟

تدهورت أخلاق المصريين فى هذا العصر واصبح الشكوى عامه من حالات التردى الاخلاقى اللى يتسم بها شعبنا للاسف الشديد ...

ولقد قرات مره فى احدى المقالات ..تجربه قاموا بها على ضفدعه وضعوها فى اناء به ماء مغلى ولكنها اصرت على القفز حتى تخرج من هذا الجحيم ... ولكن عندما وضعوها فى اناء درجه حرارته عاديه واخذوا فى رفع حراره المياه حتى وصلت للغليان لم تقاوم الضفدعه اى مقاومه حتى تخرج من الماء المغلى وماتت .. فقرر العلماء ان الجهاز العصبى للضفدعه لا يستجيب الا للتغيرات الحاده لكن التغير البطئ لم تشعر به

..ومن هنا سالت نفسى هل اصبح المصريون ضفادع ؟؟؟لا يستجيبوا الا للتغيرات الحاده اما التغيرات البطيئه فانهم اعتادوا عليها وتكيفوا مع ظروفها .....؟؟؟؟

انا سالت نفسى كتير الاوضاع اللى وصل ليها المصريين من حالات الفقر والجوع والتشرد وغيره السبب فيه المصريين نفسهم ؟؟ ام النظام كله فيه خلل ؟؟؟ واللى تاكدت منه فعلا ان احنا بنلف فى دوائر مغلقه ولكن يبقى السؤال :::::

الدائره الكبيره مين اللى قفلها ؟؟؟احنا المصريين ؟؟؟ولا نظام فرض علينا بقوه ؟؟؟
وهل احنا اللى سكتنا على الدائره ده من الاول ولا مكنش ادامنا غير السكوت ؟؟؟

لو نزلت اى شارع وبصيت كويس حواليك هتلاقى الشعب يظهر على وجهه علامات اللامبالاه والسلبيه والمواطن المطحون الغير مبالى باى شئ سوى قوت يومه ..و الشعب اللى بتحكى عنه الكتب فى الثورات والحروب وكانه لم يكن ..!!!
واللى بيتكلموا عن الاوضاع الاقتصاديه والسياسيه لبلادنا وعن تدهور الاخلاق ما هم الا فئه قليله ...واللى تستغربله جدا ان خلاص المبادئ اللى اتعودنا عليها واتعلمناها ما هى الا شعارات فى كتب فقط...ومنها مفاهيم الجيره والصداقه والشهامه اللى اصبحت تدوسها المصالح

وايه السبب فى تدهور هذا الشعب الذى له تاريخ عريق؟؟
والسبب:::
هو ما وصلت اليه الظروف الماديه السيئه التى يعانى منها الشعب المصرى واختفاء العداله اللى اصبحت ايضا شعار يكتب مع وقف التنفيذ جعل هؤلاء المصريون لا يشعرون باى نوع من انواع الانتماء لهذه البلد ..

ولم يعد هناك لكل مجتهد نصيب... بل اصبح لكل فهلوى وافاق ومنافق نصيب!!!

هذا الخلل الكبير فى منظومه الحياه الاقتصاديه المصريه وبجانبها منظومه الاخلاق والقيم ادت بالمصرييين الى هذا السلوك العدوانى اللى كلنا بمجرد ذكر اسم مصر هنلاقيه وضح فى كبد السماء ....

واهم سؤال اللى بيطرح نفسه هو
:::: هل العيب من النظام ؟؟؟ام العيب من اخلاقنا ؟؟؟ام اصبح المصريون فعلا ضفادع ؟؟؟

Close ur eyes !!

Close ur eyes and think of me
Think of the first moment we met
Think of how things between us developed
Think of the way ended to be

Close ur eyes and let it all sink
I was ur baby ,u were my heaven
I was the one for u ,there were not much to think
I had to let go ,and u didn't stop me leaving

Close ur eyes and let ur tear fall
Think of the old times when i was there for u
Think it back when u were my all
Think of the times i did my best to take away ur blue

Close ur eyes and see me leave
See ur self standing still like u don't care
It was hard enough for me to believe
But u stood ur ground and chose not to be there

الورود .... لغة الحـــــــــب

الزهور هى لغة الحب والامل والسعاده والتفاؤل وإذا اردت ان تقدم هديه فلتكن الورود والازهار...فهى تستطيع أن تفعل فعل السحر بين الزوجين وعندما يقدم الزوج لزوجته باقة الورود فلن يكلفه ذلك كثيرا ((حتى ولو ورده واحده))ولكنها تعبير صادق لها عن حبه وتقديره وحتى لايفتر الحب بينهما

ولكن ماذا تقول الازهار؟؟؟
فلها لغه وهى أقوى لغات العالم :::::


زهرة الياسمن الابيض ::::فتقول للمرأه المتمرده لماذا لا تحبين ابدا!!

اما زهره الياسمن الاصفر فتبوح للمراه الرقيقه وتقول لها اريد ان يكون كل شئ لديك

أما زهره القرنفل ((الابيض)) تبوح للمراه الشكاكه فتقول لها كونى واثقه من حبك ...

اما القرنفل الابيض تبوح للمرأه الشكاكه فتقول لها .. كونى واثقه من حبك .. اما القرنفل الوردى فيبوح للمرأه الجميله ويقول لها انا معجب جدا

اما القرنفل الاحمر فيبوح للمراه العنيده انت مخلصه ويقول للمراه العاطفيه انا احبك

الورد الابيض ... يبوح للمراه السويه بالعنف


الورد الاصفر... يبوح للمراه الغيوره فيقول لها ((اطمئنى فانا لا احب غيرك))

البنفسج ... يبوح للمراه المتواضعه الوفيه ((احبك فى صمت)) اما البنفسج الازرق فيبوح للمراه المخلصه فيقول لها ((سوف اظل على العهد دائما))


زهره التوليب ...الاحمر تبوح للمراه الجميله بالحب

زهره اللاوند تبوح للمراه اننى احبك باحترام شديد


زهره الكاميليا البيضاء تبوح للمراه الغروره فتقول لها ((انت تحتقرين حبى ))


زهرة الكاميليا الوردى فتبوح للمراه المزهوه بجمالها ((انا فخوره بك)) ...اما زهرة الكاميليا الحمراء فتبوح للمراه الذكيه ((انت اجمل امراه فى العالم))



اما لغة الزهور فى الخطبه والزواج .. هى ابلغ واجمل تعبير عن كل معانى الحب والود وهى بلا شك افضل هديه يبادلها الاحباء فى حفل الخطوبه او الزواج فهى تجسد كل معانى الحب والعشق ..


خاصه الورود الحمراء فهى تقول اجمل معانى الحب بين الاحباب

من يقول ان المرأه مخلوق ضعيف تبكى بدون سبب؟؟؟

ان المرأه بها من قوه يكفى لحمل هموم العالم
وبها من الحنان بما يكفى لمنح الراحه والامان لوالديها .... ثم أخواتها ...ثم زوجها .....ثم أطفالها
وكل من حولها

المرأه بها قوه داخليه تجعلها قادره على تحمل الام الوضع والام الرفض
خاصة عندما يكون الرفض من ابنائها الذين تعبت من أجلهم ورفضوا العطاء

المرأه مشاعر حانيه تغمر ابناءها وإن قسوا عليها وتخفف بها عن الامهم ومخاوفهم وقلقهم
المرأه سند تشد من أزر زوجها فى مواجهه الصعوبات وتكوين مستقبل باهر

خلقت من ضلعه لتحمى قلبه من الاخرين وتمنحه الحب والحنان
المرأه حكمه وصبر

تعرف أن الزوج الصالح لا يؤذى زوجته أبدا ولكنه بين الحين والاخر يمتحن قدرتها على تحمله
وعلى الوقوف بجانبه ومساندته دون تردد....

(خيرك لغيرى والشقى والعنى لى )
ترددها بالم


تصبر

ثم

تصبر

ثم


تصبر
ثم



تجبر نفسها بقوووووووووووه على الصبر


ثم تبدا تذرف الدموع على وسادتها

ثم تحاسب لما الدموع ؟؟؟؟



ألا يحق لها ان تذرف الدمع؟؟


دمعه وهبها الله لها لتطفئ نارا قد تحرق جوفها لتذرفها متى احتاجات لذلك ....وقست ظروفها فهى اغلى ما تملكه عند الجرح


دمعه
تجدد بها قوتها لتستمر الحياه

**Love**

قصه رائعه بقلم الشاعر سلطان الرواد ::::
فى قديم الزمان حيث لم يكن على الارض بشر بعد... كانت الفضائل والرذائل تطوف العالم معا
وتشعر بالملل الشديد
ذات يوم وحل لمشكله الملل المستعصيه ...اقترح الابداع لعبه وسماها الاستغمايه او الغميمه
احب الجميع الفكره والكل بدا يصرخ ::: انا ابدا انا ابدا
قال الجنون:: انا من سيغمض عينيه ويبدا العد وانتم عليكم مباشره الاختباء
واتكأ بمرفقيه على شجره وبدا العد
واحد اثنان ثلاثه ...وبدات الفضائل والرذائل بالاختباء ... وجدت الرقه مكانا لها فوق القمر ...واخفت الخيانه نفسها فى كومه زباله ..وذهب الولع بين الغيوم ...ومضى الشوق الى باطن الارض ...الكذب قال بصوت عالى :::ساخفى نفسى تحت الحجاره ثم توجه لقعر البحيره

واستمر الجنون :::تسعه وسبعون ..ثمانون ..واحد وثمانون ...خلال ذلك اتمت الفضائل والرذائل تخفيها ما عدا الحب كعادته لم يكن صاحب قرار وبالتالى لم يقرر اين يختبئ ؟؟ وهذا غير مفاجئ لاحد فنحن نعلم كم هو صعب اخفاء الحب

تابع الجنون ::خمسه وتسعون ..سته وتسعون ..سبعه وتسعون وعندما وصل الجنون فى تعداده للمائه قفز الحب وسط اجمه من الورد واختفى بداخلها وفتح الجنون عينيه وبدا البحث صائحا ::: انا ات اليكم ..انا ات اليكم


كان الكسل أول من أنكشف لأنه لم يبذل أى مجهود فى إخفاء نفسه .. ثم ظهرت الرقة المتخفية فى القمر .. وبعدها خرج الكذب من قاع البحيرة مقطوع النفس .. وأشار الجنون على الشوق أن يرجع من باطن الأرض .. الجنون وجدهم جميعا واحدا بعد الأخر ... ما عدا الحب كاد يصاب بالأحباط واليأس فى بحثه عن الحب.


وأقترب الحسد من الجنون , حين أقترب منه الحسد همس فى أذن الجنون :::::: قال: الحب متخفيا وراء شجيرة الورد التقط الجنون شوكة خشبية أشبه بالرمح وبدأ فى طعن شجيرة الورد بشكل طائش ولم يتوقف إلا عندما سمع صوت بكاء يمزق القلوب ..... ظهر الحب من تحت شجيرة الورد وهو يحجب عينيه بيديه والدم يقطر من بين أصابعه .. صاح الجنون نادما : يا إلهى ماذا فعلت بك ؟ لقد أفقدتك بصرك .... ماذا أفعل كى أصلح غلطتى بعد أن أفقدتك البصر.

أجاب الحب لن تستطيع إعادة النظر لى, لكن لا زال هناك ما تستطيع فعله من أجلى ( كن دليلى) وهذا ما حصل من يومها ....................... يمضى الحب الأعمى يقوده الجنون ...........................

من قلب سيظــــل ينطـــق باسمــك

لقد نسيت معك الامى وجروحى
وصالحت نفسى بعد خصام طويل
احسست بقلبى بعد ان ماتت دقاته
نفسى تشتاق لكلماتك وتحسها من بعيد
اراك قمرى فى ليالى مظلمه
واحسك تضمنى بزراعيك
اشعر بدفء احساسك وانفاسك

لقد اصبحت الدواء لجروحى ونفسى
وتلونت الدنيا بعينى
تفتحت الازهار فى خاطرى
واصبح القلب لا ينادى الا باسمك
اسمك انت يا حبيبى

القــــــــــــــدر...........

نجد امور عديده فى حياتنا لا نخطط لها ومع ذلك تصبح هى من اهم لحظاتنا سعاده وبهجه وفرحه ........وكل ما نخطط له لا ياتى كما نريد بل دائما نجد هذه الامور المخططه والمفهرسه والمدروسه هى اول اسباب تعاستنا وشقاءنا فى دنيانا ...

لتعملوا ان كل هذه الامور تتحكم بها يد خفيه ...لا نراها ولا نعلم لماذا تفعل بنا ذلك ولكن هى من تخطط لنا ..!!! نعم انها يد خفيه تتحكم بمجريات حياتنا وتتحكم بامورنا رغما عنا ....ولكن دائما ننظر اليها :: انها هى التى تحاول مد العبث بحياتنا ولكنها العكس انها تصنع لنا المفاجات لتضيف بعض اللذه والنكهه على احوالنا التى من الممكن جدا ان يقتلها ويقتلنا معها الملل والروتين ......

هل تعلمون من هى هذه اليد الخفيه ؟؟؟؟؟ انها..................................((القـــــــــــــدر))!!

نعم انه القدر من يفعل بنا كل هذا ...وهو من يتحكم بامورنا ....وهو من يضبف بعضا من التشويق على حياتنا ...ولكن للاسف لا ننظر للامور بمثل هذه النظره بل اننا احيانا نصل للكره من احوالنا ونمقطها ونياس منها ....ولكننا لا نعلم ما سيفعله القدر بنا ؟؟؟؟؟

لانه يشاهدنا ويسخر منا لانه سوف يعوضنا فيما بعد عن هذه الاحوال التى تزعجنا منه او من دنيانا .....
لذلك لاتجعلوا الياس يدب فى انفسكم بل اصبروا سوف ياتى الافضل وسوف يلعب معنا القدر لعبه عمرنا التى كنا ننتظرها ..

من هـــــــــــــــــــذا؟؟!!

فى وسط سماء مليئه بالغيوم ...ورياح هوجاء بارده ...ومطر يبلل طرقات الليل...وأغصان شجر لاتهدأ...
وجدته .......................
نجم يتلالا من بعيد ...يتالق ...ويلمع ... يزداد بريقه كلما اقتربت اليه ..فسالت من هذا::: قيل هذا الذى انتظرته سنين وايام ..هذا من يجعل للحياه طعما .. ويملا الليل دفئا ..يفرش الطرقات بالورود ... يبعث برساله شوق وغزل .....
فاقتربت منه ....................
احسست بشوق فى عينيه ...ودفء يديه ..وجمال هيئته .....وصدق احساسه وحنان مشاعره ....وشوقه يداعب قلبه ....لسانه معطر بكلمات الغزل..لتلقى فى بحر الغرام ...تزيده شوقا وحبا
نظرت اليه بشوق واعجاب........

قال :::الا تعرفيننى ؟؟؟؟انا من سيملك قلبك ::: انا من سيملاه فرحا وسعاده وبهجه ........انا الحـــــــــــــــــــــب!!!

رباعيات .. صلاح جاهين ..

فى ذكرى الفنان الاكثر من رائع بكلماته وتصوراته ((صلاح جاهين )) .... مقتبسات من رباعياته ((اللى بينا))

دخل الربيع يضحك لقانى حزين ..نده الربيع على اسمى .لما قلت : مين؟؟
حط الربيع أزهاره جنبى وراح ..وأيش تعمل الازهار للميتين ؟؟
وعجبى

انا شاب لكن عمرى ولا الف عام .. وحيد وبين ضلوعى زحام
خايف ولكن خوفى منى انا ..اخرس ولكن قلبى مليان كلام
وعجبى

يا باب مقفول .....امتى الدخول ؟؟ صبرت ياما واللى يصبر ينول
دقيت سنين .....والرد يرجع لى :: مين؟؟؟
لو كنت عارف مين انا ...كنت اقول
وعجبى

أحب أعيش ولو فى الغابات ..اصحى كما ولدتنى امى ...وابات ..طائر
حيوان .. حشره .. بشر ...بس أعيش ..
محلا الحياه ...حتى فى هيئه نبات
وعجبى

سهير ليالى وياما لفيت ..وطفت ف ليله ..راجع فى الضلام ..قمت شفت
الخــــــــــوف .. كأنه كلب سد الطريق وكنت عايز اقتله ...بس خفت
وعجبى

كان فيه زمان سحليه ..طول فرسخين ..كهفين عيونها .. وخشمها بربخين
ماتت لكن الرعب ..لم عمره مات ..مع انه فات بدل التاريخ ..تاريخين
وعجبى

عجبتنى كلمه من كلام الورق ..النور شرق من بين حروفها وبرق
حبيت اشيلها فى قلبى ..قالت حرام ده انا كل قلب دخلت فيه اتحرق
وعجبى

خرج ابن ادم من العدم قلت :رجع ابن ادم للعدم قلت :
ياه تراب بيحيا ...وحى بيصير تراب ..الاصل الموت ولا الحياه ؟؟؟
وعجبى

ضريح رخام فيه السعد اندفن وحضره فيها الشريد من غير كفن
مريت عليهم ....قلت ياللعجب الاثنين ريحتهم لها نفس العفن
وعجبى

ياما صدفت صحاب وما صحبتش..وكاسات خمور وشراب وماشربتش
اندم على الفرص اللى انا سبتهم ولا على الفرص اللى ما سبتهمش
وعجبى

والكون ده كيف موجود من غير حدود وفيه عقارب ليه وتعابين ودود
عالم مجرب فات وقال سلامات ..ده ياما فيه سؤالات من غير ردود
وعجبى

مابك ايها القلب ؟؟

ما بك ايها القلب؟؟ احسك تتحرك داخلى؟؟من اخرجك من ثباتك العميق؟؟ من فك قيودك ؟؟هل اشتقت إليه ؟؟هل اشتقت للوعتك؟؟لذلك ؟؟ لهوانك ؟؟لآهاتك؟؟

لا .................ارجوك لاتفعل بنا هذا !!
هل نسيت كيف تركك وحدك تعانى مع نفس معذبه فى حبه؟؟هل نسيت سهرك فى ليالى قاحله ؟؟هل نسيت حرقتك وانت تراه يعشق غيرك؟؟

إرجع حيث كنت ولا تتهاون فى نسيانه ...
لقد نسى وودعك غير مبالى ..تركك تلملم شتات نفسك من ارض مليئه بالاشواك ..لتجد نفسك وحيدا مع بقايا قلب انطفأ توهجه وخفت دقاته ... دب الياس به .. وامتدت يد العبث الى جدرانه

قلب خائف متوجس من نفسه .... لا يعرف معنى الامان....
لا يعيش الا بهدف.....النســـــيان!!

الحـــــــــــــــــب!!!

الحب
قمر يتلالا فى سماء
قطره مياه فى صحراء الزمن
فرحه طفل فى العيد
دفء شمس فى شتاء بارد

كلام الغزل
نفس ساخن من لوعه الشوق
بهجه مشتاق بعد اللقاء
تغريد كروان فى سماء محب

الحنين
شوكه فى قلب حبيب
خاطره فى عقل مشتاق
أنين فى نفس مفارق
تنهد طويل فى صدر متالم

الفراق
رياح هوجاء فى قلب
نزعه روح من نفس
اقتلاع نبته من ارض
موت احساس فى جسد
تشـــــــــــــــييع جنازه محب

لماذا ايها الحب؟؟!!

ترتدى دائما الاقنعه ؟؟ هل لتعلمنا ام لتوجع قلوبنا ؟؟ تخبئ لنا وجه النفاق؟؟ وجه الالم؟؟ وجه الفراق؟وجه الذل ؟؟ الاهات ؟؟؟ تفرش طريق ملئ بالورود وفى نهايته الاشواك؟

ترسم ملامح البراءه وخلفها ملامح القسوه والالم؟ تبعث الينا بروح هادئه لكى تعصف بها رياح الغدر؟؟تعطى لنا املا فى الحياه وتنزعه منا على حين غره؟نطير بك للافق ونعلو ...وتنزل بنا ارضا لكى نرتطم بها ؟؟تاخذنا فى احضانك وبعدها تتركنا وتلوح لنا بيديك مودعا؟وتاخذ معك فرحتنا ؟وبسمتنا؟؟وبهجتنا؟؟؟وامالنا؟؟

لماذا؟؟ هل هى طباعك ام طباع الحبيب؟؟هل خلقت لذلك ام قمنا بتشويهك؟؟ وندعى عليك البراءه؟؟

لقد فرقتنا الايام واتنسينا واصبحنا نخاف منك..بل وننكر وجودك ..وعندما تتسلل الينا نبعدك بكل ما لنا من قوه ..وكانك عدوى تصيبنا ..لقد غيرت حياتنا واصبحنا اكثر عداوه لبعضنا... بعد ان كنا اكثر حبا .. لقد اصبحنا خائفين متوجسين من انفسنا حتى لا نصاب بمرضك.. حتى اصبحنا نبتعد عن مجالسك ..نفضل وحدتنا على ان نكون معك ...نقرا عنك فى كتبنا ولا نصدق من يعشقك ...من الذى فعل بنا ذلك؟

انه انت ايها الماكر (((الحـــــــــــــــــــب)))