BLOGGER TEMPLATES AND TWITTER BACKGROUNDS »

الخميس

وما الدنيا الا طابور طويل

اصدقائى الحلوين فى كل مكان ..... باعتذر عن التاخير وعدم التعليق على المدونات ولكنى ساعود للمتابعه من جديد

ويلا بوست جديد لانوسه على

شقـــــ*آخر حاجة *ـــــــاوه





عندما تتلفت حولك تجد ان كل شئ فى بلادنا تحول وبقدره قادر الى طابور طويل من الانتظار ....



لما تروح تطلع بطاقه تقف فى الطابور .. ولما تروح تطلع ورقه مهمه برضه بتقف فى الطابور ... فى حين اننا بلد بنعانى وبفظاعه من الزحمه وكله يقولك الدنيا حر وزحمه ... طيب ما الطوابير ده من ايه ؟؟؟ وبتولد ايه .... ؟؟؟



حتى دلوقتى لما تروح تقبض فلوسك اللى ليك بتقف فى الطابور ..واللى موضه وطلعت بقى ...


"طابور العيش"



كله بيقف بالساعات فى طوابير العيش .. وممكن بعد ما تقف وتتبهدل من الزحمه تلاقى صاحب الفرن يطلعلك ويقولك ان مفيش عيش النهارده خلاص ..



وبما اننا شعب بيعشق النظام .. الراجل الواحد او السيده الواحده ممكن ان تخلق لنفسها طابور قائم بذاته ...تبص كده وانت واقف تلاقى واحد او واحده راحت وقفت كده لوحدها وفجأه كونت طابور تانى وبدل ما كان فى طابور او اتنين تلاقى المكتب الواحد عليه زحمة ناس وبس



وبما اننا ايضا بلد بيقوم كل واحد فيها بواجبه..... كل المصالح اللى فى البلد ماشيه بالمقوله الشهيره "فوت علينا بكره" بكده تبقى الطوابير سلسله لا تنتهى ولكنها تستحدث من العدم



وطبعا مع الزحام وحرارة الجو ... الكل بيبقى مستنى لاى حد على غلطه صغيره وتقوم الدنيا كلها وتبقى خناقه



يبقى تحولنا من ظاهرة الطوابير لظاهره اخرى وهى عدم النظام والفوضى والهرجله



وبكده يبقى لازم على كل واحد ايها المواطنين الالتزام بمكانه من الطابور ولا يتحرك منه حتى لا يعود الى اخره وهو يجر ازيال الخيبه !!!



وعلى الساده المسئولين عن الطوابير ترفقوا بنا فنحن أيقنا تماما أن الدنيا ما هى الا طابور طويل !


32 اقلام:

شبه إنسانه .....( سهوره ) يقول...

همس الأرواح

هبة حبيبة قلبى
وحشانى يا قمر

انا جيت اطمن عليكى

يارب تكونى بخير وسعادة دايما

وان شاء قريبا سأعود معكم

لانى إشتقت إليكم

تحياتى ياقمراية

سهوره

( صاحبة مدونة شبه انسانه ) سابقا

ليس فقيرا من يحب يقول...

ونقول التعليق التانى

ليس فقيرا من يحب يقول...

والتالت علشان خاطر الحبايب

وكمان علشان سهورة اللى رجعت من تانى

ليس فقيرا من يحب يقول...

الرابه هاقرى وارجع تانى

ليس فقيرا من يحب يقول...

هههههههههههههههههههههه

يا قمرى الطابور ده اسلوب حضارى جدا

تخيلى الدنيا من غير طوابير

يع هتبقى وحشه قوى

ههههههههههههههههههههههههههههه

تقبلى تحياتى يا قمر

فى حفظ الله

مهاجر فى وطنى يقول...

السلام عليكم
معاكى حق دى حتى المدونين سعات بيعملو التعليقات مقفوله عشان يوقفونا فى طوابير
احنا شعب بيعشق الطوابير بجد ودى طبعا لننا متطوريت اكثر من اللازم

غير معرف يقول...

ضيفوا عليهم انى علشان اعدى من مكنه المترو بقف طابور طويل

وانى وبدفع مصاريف الكليه بقف طابور طويل علشان اجيب اذن الدفع

ايه تانى يابت ياحنين ايه تانى

بصى لو هتشربى ميه هتقفى طابور

ههههههههههههههههههه

تسلمى ياقمر

حنين

♥نبع الغرام♥♪≈ يقول...

وحشتينى

اخبارك ايه
ممممممممممممم

اتاخرت عليكى
عشان النت كان فاصل معلهش

نيجى بقا للبوست
هو دا الكلام الصح
احنا فى بلد طوابير واللى يعدى حدوده مالوش مكان فى وسطينا وهنيالك ياشعب مصر يا غلبان
دمتى بالف خير
ايناس

همس الارواح !! يقول...

سهورتى انتى فين ... مدونتك مش بتفتح معايا

وبجد وحشتينى يا قمر ....

انا نفسى اطمن عليكى ... ومستنياكى قريبا ان شاء الله

ربنا يوفقك يارب
تحياتى

همس الارواح !! يقول...

ليس فقيرا من يحب

شكرا يا حبيتى على التعليقات ده كلها


منورانى والله

بمرورك

همس الارواح !! يقول...

ليس فقيرا من يحب

هنعمل ايه بس فى الطوابير ده
ربنا يستر

شكرا بجد على مرورك منورانى والله

تسلمى

ghorBty يقول...

صدقتي

طابوووور طويل وياريت فيه نظام كان قصر

الله المستعان

جمهورية شومبونجو العربية يقول...

السلام عليكم

والله عندك حق
كل حاجة فيها طوابير

بس طابور من غير اخر

تسلم ايدك

تحياتى

رئيس الجمهورية

Pink Dreams يقول...

اما بلد طوابير صحيح

تصدقى فعلا كل حاجه بقى عليها طابور

ربنا يصلح الحال

همس الارواح !! يقول...

مهاجر فى وطنى

للاسف احنا فعلا بنعشق الزحمه والفوضى والهرجله ....

والطوابير بقت جزء لا يتجزأ من البلد ومن النظام ككل

شكرا ليك على المرور

نورت المدونه

همس الارواح !! يقول...

حنونتى

بجد كلامك كله صح

منورانى بتعليقك اللى فى محله كل حاجه بقت بطابور حتى الميه


شكرا ليكى ياقمر

M.a.r.y.o.o.o.m يقول...

هههههههههههههههههههه

اهلا اهلا يا اختي معلش مجتش عندكوا عشان اتغيرت خطة السفر بس بإذن الله قائمه متزعليش كمان مش عارفه اكلمك ومشروع الشغل اللي كنت رحته باظ والحمد لله
مش مشكلة

بصي من وجهة نظري بقي (يعني وجهة نظري المهلبية) إنه موضوع الطوابير بتاع العيش قديم جدا وفي ناس كتير اتكلمت عنه ولا حياة لمن تنادي يعني نفضل نتكلم وصوتنا مش مسموع الادهي من كده بقي في ظل الوباء اللي احنا فيه تلاقي مثلا طوابير بالهبل في مجمع التحرير انا عارفه متعرفيهوش بس بعيد عنك ويارب متعرفيه والمترو وال ايه عاملين احتياطات أمنية طب إزاي وفين؟؟؟؟!!!

تحياتي

همس الارواح !! يقول...

انوستى

حبيبتى

وحشانى موت

النت وحش عندى انا كمان :(

شكرا ياقمر على مرورك

منورانى يا عسل

همس الارواح !! يقول...

غربتى

شكرا يا قمر على المرور

منورانى والله

تسلمى يا عسل

همس الارواح !! يقول...

انوستى

حبيبتى

وحشانى موت

النت وحش عندى انا كمان :(

شكرا ياقمر على مرورك

منورانى يا عسل

همس الارواح !! يقول...

رئيس الجمهوريه

شكرا بجد على مرورك وكلامك

منورنى والله

تحياتى

همس الارواح !! يقول...

pink dream

شكرا يا قمر على مرورك
منورانى والله

تحياتى

همس الارواح !! يقول...

مريوم

انا معاكى فى ان فى ظل الفيرس الفظيع ده بيبقى الطابور لاخر الشارع

ومفيش اى وسائل من الامان والحمايه

للمواطن للاسف

وربنا يستر بجد والله

مستنياكى على الميل يا قمر

شكرا لكلامك ومرورك

منورانى

أبــــو ضـــيــاء يقول...

لا يا عم ,اللي اعرفة ان الدنيا مطرح كبير مش طابور طويل
ههههههههههههههه

noon kiko يقول...

طبعا طبعا طبعا
الدنيا ماهى الا الاف الطوابير مش طابور واحد
انا خايفه بكره وبعده الاقى النفس عليه طوابير

اعشق فى الليل ضوء القمر يقول...

تصدقى ولا كن واخد بالى
يمكن علشان انا اللى بوقف طبور
ههههههههههههه

همس الارواح !! يقول...

ابو ضياء

خلاص دلوقتى بقى كل حاجه طابور

واتغيرت الدنيا

شكرا لمرورك

منورنى والله

همس الارواح !! يقول...

واحده من الناس


ربنا يستر والله من الطوابير ده

شكلها ملهاش اخر

شكرا ياقمر على مرورك منورانى

همس الارواح !! يقول...

اعشق فى الليل ضوء القمر


يعنى انت اللى بتوقف الطوابير

طيب بالراحه على الناس

وخلصنا من الطوابير ده

شكرا على الكلام والمرور

منورنى


تحياتى

غير معرف يقول...

كيفك ياقمراية والله ليكي وحشة

يارب تكوني بالف خير

بالنسبة للطوابير انا اتخنقت منها بمجرد السمع ازاي بقى لو عايشت هالوضع كنت انتحرت

ربنا يعينكم

تحياتي ياقمر

همس الارواح !! يقول...

نوارتى


شكرا بجد على مرورك

منورانى والله

والطوابير مشكله كبيره

شكرا ليكى تحياتى

همس الاحساس يقول...

همس
\\
اختى الغالية
انظرى وتاملى
هذا فقط ما اعملة ولكن عندما نريد ان نغير شىء
يقولولك (هو انا هغير الكون يا بنتى كبرى) كان الموضوع اصبح عادى
طابور .....
كلمة نسمعها فى كل مكان
بخاف يجى يوم يقولو فيها طابور على السرير تبقى مصيبه
بجد البوست رائع واسلوبك عجبنى جداااا
شكرا اختى