BLOGGER TEMPLATES AND TWITTER BACKGROUNDS »

الثلاثاء

خيــــــــرها فى غيـــــرها


لما تمشى فى اى شارع اليومين دول بتلاقى اول حاجه تصادفك وتقابلك ... اكوام الزباله اللى مش عارفه بتيجى منين .. والمصيبه انك بتشم الريحه من على بعد اميال ومن على اول الشارع كمان المنظر ده بيتعاد كل يوم وكل دقيقه .... اكوام زباله لا حصر لها ولا عدد ... وطبعا مش هاقولكوا ان الصفايح اللى عملاها حكومتنا مليانه لا طبعا .. ده الصفايح وكمان الشارع اللى جنب الصفايح........... وكإن الناس للاسف مش شايفه هى بتحدف فين

وتحس ان السمه الاساسيه للشارع المصرى بجانب ظواهر تانيه كتير ..الزباله اللى مرميه شمال ويمين !!!!

سيبك من الكلام ده كله ... ممكن جدا المشكله ده تتحل لو حد من بتوع الحى ربنا اكرمه وحاول انه يجيب حد يلم الزباله ده

لكن المشكله الحقيقيه واللى بجد غايظانى فعلا ان احنا كنا الاول عندنا الراجل الزبال بييجى يخبط ويلم الزباله من البيوت

ولـــــكن ,,,,


طبعا حكومتنا تفكيرها اوسع واعمق من كده ... قالت لا نتطور بقى (على اساس ان مصر ناقصها تطور الزباله ) ما علينا ,,,,قالت نجيب شركه متخصصه تشيل الزباله من الشوارع ... حلو اوى جت شركه الزباله بتشيل الزباله ولما الشركه( استهبلت) و بطلت الشركه تقوم بعملها وتشيل الزباله اصبح عندنا ظاهره جديده وهى الاكوام الفظيعه ده من الزباله

(يلا هى جت عليها ... اشمعنى الزباله,, لازم تعبر عن نفسها برضه)


خدوا بالكوا بقى معايا .... الحكايه اللى عملوها ده بقى اتسببت فى ايه ... اقولك ؟؟؟؟


الزبالين اللى كان شغلهم كله على شيل الزباله غيروا نشاطهم طبعا وبقوا بيشتغلوا فى الشحاته والنصب والسرقه (تغيير العتبه حلو برضه )
وطبعا الفرق فى المرتب عالى جدا وده حاجه غنيه عن التعريف ... دلوقتى لو جيت بوست رجله علشان يرجع يشيل الزباله مش هيعبرك اساسا لانه طبعا بقى من كبار المستثمرين (خد بالك من المستثمرين ده)

تعالى بقى لاخونا المطحون اكيد كلنا عارفينه ( المواطن المصرى ) اللى كل البلاوى بتقع على دماغه زودوله الزباله على الكهربا علشان يدفعوا للشركه اللى بتشيل الزباله ( وطبعا كالعاده فى ناس تانيه بيندفع لها مع الشركه ) ولما صوٌت المواطن واعترض محدش عبره كالعاده

واللى انا شفته بعينى بقى ان فى ناس علشان تخلص من الزباله ده جابوا واحد من الناس اللى لسه ماعتزلوش مهنه الزبالين (واللى لسه موصلهمش الاستثمار) علشان يشيلوا الزباله ... وطبعا بالشكل ده بقى المواطن بيدفع مرتين ...

ودلوقتى ومع ظهور انفلونزا الخنازير واللى هى بتاكل الزباله اساسا .. الحكومه ادامها حلين يااما تتصرف فى الزباله ده ياما تجيب الخنازير تاكلها ويبقى الفيرس وباء فى مصر وكده برضه يبقى فى ظاهره جديده فى مصر وهى انفلونزا الخنازير وتتحول الظاهره لوباء

وفى الحالتين احب اقولك ياحكومه::

(خـــــيرها فى غـــــيرها )

36 اقلام:

3mr wa2el يقول...

اووووووووووول كوووووووووونت

3mr wa2el يقول...

انا مبكتبش اى حاجة اليومين دول

بس مصر الوقتي بقى فيها اهرامات ف كل شارع ف كل حارة ف كل مكان

اهرامات الفراعنة حاجة اكانت من الصخور

بس اهرام 2009 من الزبالة و دلع عيني دلع الشركة عملتها و خلعت و يا قلبي لا تحزن مفيش افكار لاى حاجة حكومة عاملة زيي اعصابية بايظة شوية

حياه بلا عنوان يقول...

السلام عليكم ورحمه الله وبركاته
بجد فعلا البوست مفيد قوى فعلا سعات كتير يكون الشوارع جميله بس للاسف بعد كده تلقيها اتبهدلت بالزباله ومابيكونش فيه اصلا صنديق للزباله
يله الحمدلله نحمد ربنا على كل شىء
تحياتى

ليس فقيرا من يحب يقول...

يا مييييين يسمع

ويفهم

ويعمل

جمهورية شومبونجو العربية يقول...

السلام عليكم

يابنتى الحكومة دى
ودن من طين ودن من عجين

بس المشكلة مش فى الزبالة
المشكلة فى الى بيرمى الزبالة اشاساّّ
كل واحد لو احترم نفسة واهتم بنظافة المكان الى عايش فية مش هيبقى فى وباء
وبعدين الناس ما بتظفش علشان
النظافة مطلوبة اشاساّّ و النظافة من الايمان
لالالالالالالالالالالالالالالالالالا
احنا بنظف علشان الوباء جاى علينا
ربنا هو الستار
...............

تحياتى

رئيس الجمهورية

همس الارواح !! يقول...

عمرو وائل

فعلا ظاهرة الزباله ده بقت موجوده بكثره فى الشوارع واجه صعبه بجد

وربنا يستر على الناس

باشكرك على مرورك نورتنى وربنا يفك كربك باذن الله

تحياتى

همس الارواح !! يقول...

حياه بلا عنوان

عندك حق فى كلامك طبعا ... الشوارع شكلها مش كويس ابدا

وساعات مفيش صناديق ,,, وساعات تلاقى الصندوق حواليه زباله كتير جدا فى الارض

وربنا يستر هنعمل ايه

شكرا لردك نورتى المدونه

همس الارواح !! يقول...

ليس فقيرا من يحب


ربنا يهدى والله

وادينا بنحاول نعمل ايه

شكرا لمرورك نورتى المدونه

همس الارواح !! يقول...

رئيس الجمهوريه

كلامك صح فى ان كل واحد لازم يبدا بنفسه على الاقل

ويحاول ينضف المحيط اللى هو فيه

الواحد بيسمع الزباله بتترمى من الشبابيك والله

هنعمل ايه بس

ربنا يهدى الناس ويبطلوا كده وعلى الاقل اوى الصحه فى تدهور من فيرس لفيرس

كارثه والله

شكرا لمرورك

همس الارواح !! يقول...

رئيس الجمهوريه

كلامك صح فى ان كل واحد لازم يبدا بنفسه على الاقل

ويحاول ينضف المحيط اللى هو فيه

الواحد بيسمع الزباله بتترمى من الشبابيك والله

هنعمل ايه بس

ربنا يهدى الناس ويبطلوا كده وعلى الاقل اوى الصحه فى تدهور من فيرس لفيرس

كارثه والله

شكرا لمرورك

نورينا يقول...

لما تمشي ف الشارع اليومين دول هتعرف اد ايه احنا مش نضاف ف حياتنا
النظافه دي مسئوليه كل واحد فينا ابدا بنفسك اولا يعني مترميش حاجه ف الشارع هتقولي ملقيتش باسكت شيلها معاك وارميها ف البسكت اللي ف البيت انا بعمل كده اصلو مبدا عند كل واحد فينا
اما بقا الحكومه فخلاص مفيش فايده مهما عملنا ومهما قولنا فهيا ودن من طين وودن من عجين على راي منى الشازلي انت في جمهوريه اخدم نفسك بنفسك وعجبي هههههههه

اهلا بيكي يا همس الارواح موضوعك متميز واسلوبك رائع دمتي في تالق دائما يا رب يدوم التواصل بينا
في حفظ الله

7annen يقول...

ههههههههههههههههههههههههه

تصدقى عندك حق

مافيش فايده ماهو موجود موجود

يبقى ممكن كمان نقول

تعيشى وتاخدى غيرها يا حكومه

همس الارواح !! يقول...

نورينا

كلامك جميل اوى وصح طبعا مفيش اى تعليق عليه


دمتى بالف ود

وان شاء الله نتواصل دايما

تحياتى

همس الارواح !! يقول...

حنونه

ازيك يت حبيتى عامله ايه

مختيش اول تعليق ليه يا بنوته (وش متغاظ)

عمرو هو اللى حجز بقى شفتى يلا مش مهم كلنا هنا واحد

كلامك جميل اوى

فعلا مش عارفين يعملوا فينا ايه
ربنا يستر من اللى جاى

دمتى بالف خير

تحياتى

محمد عبد اللاه يقول...

السلام عليكم
والله معاكى حق
بس المشكله انا فى بلد مفهاش حكومه تهمها الموضيع دى خااااااااااااااااااالص

فشكووول يقول...

السلام عليكم همس الارواح

يا همس فيه حاجات الحكومه بتعملها وبتبان لنا انها غلط مع ان لها عله عندها يعنى بتقصد حاجات احنا مش عارفينها هى ايه .. طبعا عشان الحكومه اليكترونيه واحنا لسه ما بنفهمش فى الاليكترون وعشان الحكومه الزكيه هى زكيه واحنا اغبياء .. عشان كدا مش ضرورى نحاسب الحكومه .. يمكن هى عارفه حاجه اكتر مننا وبرضه الزباله مطلوبه عشان توسخ الشوارع ويقوم الجماعه الكبرا يعملوا تعاقدات جديده وكله مكسب وعمولات وهباب مهبب بهباب

M.a.r.y.o.o.o.m يقول...

ايه ده انتي اتغيرتي جدا خير خير كل لما اسيبك ارجع الاقي ما شاء الله
ربنا يوفقك يارب كده وادعيلي بقي
المهم يا سيدتي انتي قولتي انك بعتي ايميلك علي المنتدي وانا مش عارفه افتح الرسايل ياريت تبعتيه علي الموبايل

عاشقة الأحزان يقول...

بوست جميل قوووووووووووى

ولافته حلوة منك يا همس
ربنا يكرمك يارب
وياريت المسؤلين يحسوا على دمهم


مودتى

حـــــــــــب الملائكه يقول...

السلام عليكم
كلامك صح
مش هاعلق اكتر من كده
لان ده اول دخول ليه فى مدونتك
يلا سلام بقي
مش عاوز اطول عليكى
بالتوفيق
الجزااااااااار
FATHI

لنحيا فى اجواء الحب يقول...

ازيك ياهمس الارواح

فعلا الموضوع ده شاغل كتير من الاوساط

ازاى ان الموضوع ده بيبين العجز القاتل فى حكومتنا

يلا ربنا معاكوا

منى سلام مصرى دائما

همس الارواح !! يقول...

محمد عبد اللاه

شكرا للزياره الحلوه ده وان شاء الله يدوم التواصل بينا

دمت بود

همس الارواح !! يقول...

عمو فشكووووووول


نورت مدونتى والله بجد

وكلامك صح مخططات الحكومه احنا مش ادها
هما دماغهم احسن مننا على اساس انهم نفسهم يرتاحوا مننا بالزباله والامراض ده

هنقول ايه ربنا يستر علينا والله

بس بجد نورتنى والله بكلامك

دمت بالف خير وود

همس الارواح !! يقول...

مريومه

حبيبتى

بجد منورانى والله

وحاضر هابعتلك الميل
وكمان هنرغى مع بعض كتير ان شاء الله

حبيبتى بتوحشينى والله

همس الارواح !! يقول...

انوسه

حبيبتى

بجد نورتينى وكنتى فين الغيبه ده كلها

مستنيه كلامك ده من بدرى والله

نورتينى يا حبيبتى

ويارب تكونى دايما بالف خير

وحشتينى يا قطقوطه

همس الارواح !! يقول...

حب الملائكه

شكرا للزياره الحلوه ده

وكفايه انك منورنى

شكرا ليك

همس الارواح !! يقول...

استاذ محمد فعلا كلامك صح

فى عجز كبير فى الحكومه

هنعمل ايه ربنا يستر والله

نورتنى بجد والله
شكرا ليك

دمت بود

7annen يقول...

هبه انا عاوزه ايميلك لو مكنش يضايقك اكلمك عليه

بعد اذنك بس انا نفسى اتعرف عليكى

حنين

همس الارواح !! يقول...

من عنيا يا حنونه


انا كمان نفسى اتعرف عليكى والله

همس الاحساس يقول...

ابدا بنفسك
احيانا بيكون معانا ورقة وعلى طول ايدك بترمى رغم ان جنبك سلة
دينا بيقول
النظافة من الايمان
اما الزبالة فى الشارع
لو بدانا بنفسنا ان شاء الله هنوصول للغرب فى نظافة شوارعهم اكيد الحكومة ليها دور لكن احنا كمان نساعد وبلاش كل شىء الحكومه وبس طيب واحنا فين

بجد المدونه رائعه جدا
اول مرة ازورها لكن مش الاخيرة
بتمنى اكون زائرة خفيفة

همس الارواح !! يقول...

همس الاحساس

بجد كلامك صح ونورتى المدونه وعندك حق فى كلامك

وان شاء الله متبقاش اول واخر زياره

نورتينى

ঔღঔ نـــوارة ঔღঔ يقول...

اقوول ايه بس

ربنا يفرجها عليكم

من فترة عندنا بغزة البلدية عملت اضراب بسبب تاخر الرواتب و بقينا بنشوف اكوام زبالة بشكل رهيب والموضوع دا امتد شهر شهرين كانت مصيبة فعلا

لكن الحمد لله كله رجع تمام والبلدية رجعت تاخد الزبالة وتقوم بعملها

انا مش عارفة الحكومة عندكم ساكتة ازاااي ؟!!

shemo يقول...

السلام ليكم ورحمة الله وبركاته

اولا ازيك يا رب تكونى بخير

ثانيا معلش على الغياب

انا والله نادر لما بدخل نت دلواتى

ثالثا وده ردى على البوست

ربنا على كل مفترى

فى رعايه الله

جوكــــــــــــــر

طوبه فضه وطوبه دهب يقول...

الزباله حقا بقت علامه مميزه فى بلدنا دى الحاجه الوحيده اللى اصبحنا بنتفوق فيها للاسف

همس الارواح !! يقول...

نوارتى حبيبتى

والله الحمد لله ان المشكله عندك اتحلت

لكن احنا ولا بنسال للاسف

شكرا لمرورك نورتى مدونتى يا قمرايه

تحياتى

همس الارواح !! يقول...

جوكر

ولا يهمك انا بجد بقول دايما ان فى ظروف

وبعيدن ياسيدى اهم حاجه اك لما بتفضى بتعدى

شكرا بجد لمرورك وردك كامل بجد على البوست

نورتنى

همس الارواح !! يقول...

طوبه فضه وطوبه دهب


منورانى والله بجد

شكرا لردك

تحياتى